Adviser to Chief Minister Dr.Lorrain Lalpekliana Chinzah chuan vawiin khan Lairam Nursing School a hmantur Computer set 10 a hlan.
Computer set hlanna inkhawm, Lairam Christian Medical Centre Hall a neih, Lawngtlai Bawrhsap Pu Donny Lalruatsanga kaihhruaiah Dr Lorrain Lalpekliana Chinzah chuan Lairam Nursing School a taka kalpui theih tura puitlin a ni ta chu lawmawm a tihthu sawiin, Nursing School chu Pathian kaihhruaina hnuaiah Sorkar leh Lairam Christian Medical Centre leh Lairam Isua Krista Baptist Kohhran puipate thawhhona that vang a ni a ti a, Mizoram chhimlam ah Nursing School thatak mai a awm tur chu hmasawnna chhinchhiah tlak, mipuiin an mamawh em em phuhrukna a ni a ti a, Pu Lalduhoma kaihhruai Sorkar chuan Banakaih kalpuiin hemi hnuai ah hian Computer set chu District Catalytic Intervention Plan atangin lei a ni a ti.
.jpeg)
Dr.Lorrain Lalpekliana Chinzah chuan Lairam Nursing School in a mamawh em em mi za (100) awmtheihna tur Hostel sakna tur cheng Nuai 345 chu Chief Minister in a remti tih sawiin, lawmthu a sawi bawk.
Lairam Nursing School hi July 31, 2026 khan hawn niin, a thawhkhat na atan Zirlai 30 Nursing School ah hian an awm dawn a, a tahtawlin Zirlai awmthei zat hi tihbelh zel tum a ni.