Electoral Roll, Special Intensive Revision neih mekah, Electotal Rall a chuan dil, an dilna enfiah ngaite chu tunlai hian Lawngtlai District a Assembly bial pathum ah, an mahni ngei inlanin enfiah mek a ni a, vawiin khan District Election Officer, Bawrhsap Pu Donny Lalruatsanga chuan Lawngtlai khawpui chhunga Hearing neihna thenkhat a tlawh.
Pu Donny Lalruatsanga chuan Electoral Roll dik leh tha neih a nihtheih nan Sorkar Official te bakah Tlawmngai pawl leh Political Party ten theihtawp an chhuah chuan rahtha a chhuah ngei a beisei tih sawiin, lawmthu a sawi a, Electoral Roll chu khua leh tui diktak, kumtling chinte chuanna tur a nih angin, chuang theite an chuanloh a hlauhthawnawm rualin, chuang theilote an chuan a remlo a ti.
Lawngtlai District a Assembly bial pathum atangin Hearing neihna a inlan tur a koh Tuichawng bial ah mi 15,374, Lawngtlai West bial ah 10,626 Lawngtlai East bial ah mi 6373, an vaiin mi 32,373 an awm a, heng zinga mi 3883 te chu an chhungte chhuizawm theihloh an ni.
Tags
News