.jpg)
SIR 2026 AH KAN PUNG HLUAI ANGEM ?
Electoral Roll siamtharna, Special Intensive Revision kalpui mek a ni a, thuthang eng eng emaw awmah chuan ramdangmi engemawzat Electoral Roll a an luhtheihnan kawng inhawngin, Lawngtlai District chu chutiang awmtheihna remchang liantak ni a sawi a ni mek a, hetia pawnlam atanga a landan leh zeldinna nen a lo ngaihzawn duhtan chuan thil sawi awmtak a nihna lai a awmtheih rualin, Lawngtlai District ah SIR 2026 kalpui mek atanga a landan atang erawh chuan thil a danglam daih thungin a hriat.
Draft Roll a a landan chuan Lawngtlai Distric a bial pathum ah Draft Roll siamnan a E/Roll behchhan aiin Voters 4865 in a tlem a, Tuichawng bikah Voters 1663 in a tlem. Draft Roll a a tlemna chhan hi Mitthi leh pem tawhte pawh an ni nualin a rinawm a, tunah hian Final Roll a langthei turin Hearing hmachhawn ngai 32373 awmin, heng zinga 3833 phei chu E/Roll a luhdil, an mahni nihna chhuizawm theih awmlo an ni a, an tan luh a harsa hle tura ngaih a ni a, midang 28540 lai chu an mahni ngei inlana, lehkha pawimawh nen tanchhan mumaltak nei chunga thuneitute hmaa insawifiah ngai an ni.
Hetia a landan atang hi chuan Lawngtlai District a Assembly bial pathum atang hian Voters hi pun hluai theihna remchang a awmlo hrim hrim a, pun aiin kiamlam panna remchang a awm tha zawkin a hriat.
Lawngtlai District hi ramdang nen ramri thuitak intawm a nih bakah Raltlan engemawzat awmna a nih vangin, dik manglova E/Roll a luhtum awm tam theihna a ni tih chu a chiang a, mahse, tuna Draft Roll atanga a landan chuan hetiang mite tan hian luhtheihna remchang inhawng hi a lo awm a nih pawn a kua a zim ngawtin a rinawm.
E/Roll hearing ah Veng leh khaw tina Tlawmngai pawl leh Political Party aiawhten fir taka thil an kalpui a pawimawh zual dawn a, rampum huapa kan thandan mawi lemlo awm hi, tuna kan thlen chin atang ringawt pawh hian belhchian a dawl lemlo tih tihfiah tura theihtawp chhuah hi khua leh tuite tihtur pawimawh tak a nih a rinawm.