Fur ruahsur vangin Mizoram hmundang atanga Lawngtlai District in chakkhai a lakluhna National Highway 02, Lawngtlai leh Aizawl inkar chu Lunglei District chhung, Bualte leh Tawipui South ah te hun engemawchen a pin hnu ah, Tuialhthei, Eirawngbawlna Gas leh Buhfai ah Lawngtlai District ah harsatna thleng a la awmlo, District Civil Supply Officer, Pu Lianchhuma Chinzah chuan a ti.
The Lawngtlai Post zawhna chhangin DCSO Pu Lianchhuma Chinzah chuan Buhfai chu fur chhung daih tur hmunkilkhawr zawk ah te chhekkhawl a nih bak ah Lawngtlai a FCI Kudam ah chhekkhawlsa a tamtawk a, harsatna sawitur a awmlo a ti a, Eirawngbawlna Gas pawh Bualte dai kawngping a tlang khan Trip engemawzat a rawn thlenga, tun dinhmunah harsatna a awmlo a ti a, Tuialhthei lam ah pawh chhekkhawlsa a awm nual tih sawiin, Lawngtlai khawpui chhunga Fiiling Station ten Petrol leh Diesel chhekkhawlsa an nei tam tawk rih a, mipui tan chiaina tur a awmlo a ti.
Report a a landanin Khawpui chhunga Filling Station te, Mizofed Filling Station ah Petrol Litres 20000 Diesel Litre 30000, Mavula Filling Station ah Petrol Litres 20000, Diesel Litrers 38000 an nei a, F.Rothuama Filling Station ah Petrol Litres 10000, Diesel Litres 40000 nei mekin, B.Sangchem Filling Station in Petrol Litres 19000 Diesel Litres 30000 an nei mek a, Bungtlang South a Filling Station pahnih bak ah Chawngte leh Sangau a Filling Station te pawn Tuialhthei chhekkhawlsa an nei nual.