Lawngtlai Bawrhsap, District Election Officer, Pu Donny Lalruatsanga chuan Special Intensive Revision of Electoral Roll 2026 neih mekah, khua leh tui diktakte kimtaka Electoral Roll a an chuantheih nan theihtawp chhuahin hma lakmek a ni a ti.
Vawiin khan Pu Donny Lalruatsanga hian a Chamber ah Lawngtlai a Thuthar thehdarhtute kawmin, tunlai hian Electoral Roll a inthunna tur Enumeration Form chu BLO ten In tinah lutin an sem mek a, Lawngtlai District chhunga Assembly bial pathum, Tuichawng, Lawngtlai West leh Lawngtlai East ah te ERO leh AERO te ruatfel niin anni kaihhruaina hnuai ah Enumeration Form hi BLO te chuan semdahrhin tundinhmun ah Tuichawng ah 65%, Lawngtlai West ah 77% Lawngtlai East ah 62% semchhuah tawh niin, Electoral Roll a luhna tur form hi tunthla Ni 28 hmain tihfel vek tur a ni a ti.
District Election Officer chuan Electoral Roll chu a thar hlaka siam tur niin, khua leh tui diktakte kimtaka an luhtheih nan theihtawp an chhuahmek tih sawiin, heihi remchangah lain, ramdangmi inzehluhtum awmthei lakah nasa zawka inven a ngaia, Tlawmngai Pawl, Kohhran leh District mipuite tanrualna tha nen Election thuneitute thawhpui turin a sawm.
District Election Officer hi Pu David Lalrinawma Additional DC leh Pu Collin Hlycho, Election Officer ten an tawiawm.