April 28, 2026 : Vawiin tlai lam khan thli na tak tleh in Lawngtlai District, Chawngte 'P' bul, Tuikhurlui ah chenna in 20 vel a ti chhia a, Tuikhurlui khawtlang an buai hle.
Tuikhurlui Village Council Secretary hnen atanga thu dawn dan in, vawiin tlai lam khan Thli na tak a tleh a, Chenna in 20 vel a tichhiaa, VC leh khawtlanga mitlawmngai ten In chhia a vanga harsatna tawk mekte hi chhawmdawl hna an thawk nghalin, a theih ang angin in chhia thawm that hna an thawk nghal .
Tuikhurlui khawtlang chhiat tawh chungchang hi Bialtu MDC, LADC Executive Member, Pu HC. Lalengkima chuan a hriat velleh Silpaulin an hman tur a pe a, an harsatna te chu Desaster lam thuneitu Lawngtlai Bawrhsap hnenah a thlen nghal a, mitlawmngai hnatlang thawk chhuakte thingpui lumna a pe bawk a, Thli in a tih chhiat harsatna tawk mek te a tawrhpui tak zet thu sawiin, an tan theih tawp chhuahin hma a lak tur thu a sawi.