.jpg)
Lawngtlai Bawrhsap Pu Donny Lalruatsanga leh CEM Pu C.Lalsawmzuala te hi District Level a thiltihna hrang hrangah chanvo pawimawh tak tak an neidun thin a, Office lam ah duhsakna inhlanin an intlawh tawn a, hmunpawimawhte an tlawh dun bakah, Lawngtlai khawpui leh District in hma a sawn theih nan an titi dun fo thin. DC leh CEM thudun News lama mipuiin an hmuh ringawt pawn mipui thla a muanga, thawhdunna leh inkawmngeihna chuan tanrualna a hringchhuaka, he rama dinhmun pawimawh luahtu ve ve ten tihtakzeta pheikhairual taka hmasawnna an vei phawt chuan, Lawngtlai leh Lawngtlai District hian hmelthar a pu thuai ang.
DC leh CEM thawkdun hleithei manglo an awm thin, an hna ve ve ah harsatna engmah a thlen lova, mipui beng pawh a thleng ngai lemlo ang. Thawkdunloha mahni hna ve ve a bur char char ai chuan mahni hna atanga hmasawnna awmtheihte sawiduna, tanlakdun theihna kawng dap na na na chuan, Engine pakhat aichuan Engine pahnih tha chu a chak ngei ngei tura ngaih a ni.
Tunah pawh hmachhawp engemawzat a awm mek, Thaw Law Dir Tuah (Stand up Lawngtlai) leh Drug Free District hmalakna ringawt pawh hi a puitlin chuan a thawhven thlak khawp ang.
Heng hruaitu pahnihte inkawmngeih lutuk hian rahtha enge a chhuah dawn tih ram mipui ten an thlir mek a, an tha tichak turin mahni theihna zawnah tanla thei ten theihtawp an chhuah ve erawh a pawimawh khawp ang.