.jpg)
Fiamthu titakin an sawi thin, Traffic Police ten Motor an hlauhlo ber ah, a dawtah Inkhawmbangin an ti.
Khawilo kalnan leh lenvah nan te, Inkhawm tura Biak In pan nante lirthei chu tangkai takin hman a ni thin a, Traffic Police te ngun taka an duty lai chuan dan bawhchhia hmuhtur an tam ngailo.
A bikin Ke hnih nei khalhtuten Pathianni chu dan bawhchhiat pawiloh Ni ah an ngaita emaw tih mai turin Inkhawm tur zingah pawh Helmet khum hmuhtur mumal an awmlo ringawt maite hian Pathianni hi dan bawhchhiat pawisakloh nan an hmang chho mek, ngaihtuah zui peih tan ngaihtuah tur a titam a, Dan bawhchhe chunga Pathian Biakna hmun pan hi chunglam duhdan a nih a rinawm loh.
Inkhawm kal lam leh hawlam ten Helmet an khumlo hi an thik a ni thei angem aw, tlailama thalai lengchhuakte pawn Helmet khum an ngaipawimawh lo khawp mai.
Dan hi hrem hlauh vanga zawmtur a nilova, kan tana thatur a nih vanga zawm zawk tur kan ni a, a mantheitute an awmloh vanga dan kan bawhchhiat hrehloh chuan, Thlarau mita min viltu, ataka kan hmuhtheih siloh Pathian thu hi kan zawm tha meuh angem aw.
Engpawhnise, Pathianni hi dan bawhchiat Ni ah hmang lovin, Dan chu nidanga kan zawm ang bawkin zawm ve mai ila, chu chu a Kristianin, khua leh tui thate awmdantur pawh a ni awm e.