March 29, 2026: Nimin chawhnu lam dar 2 leh dar 3 inkar a Ruah leh Rial thawk vangin Lawngtlai District chhung, Sangau RD Block huamchhunga Thaltlang khua ah In 13 luahzui tlaklohvin a ti chhiaa, Indang 28 pawh a tichhe nual.
Kumdangah pawh tunang hun hi Sangau leh a chhehvel ten Ruah leh Rial vanga harsatna an tawh fo hun a ni a, nimin a Ruah leh Rial thawk hian a bikin Phawngpuitlang bul a awm Thaltlang chu a nuai nasa zual a, DM&R Lawngtlai atanga thudawn danin In 13 chu luahzui tlakloh khawpin Rial hian a deng chhiaa, Indang 28 pawh engtintin emaw Silpoulin nen tangkawpin luahzui nawk nawk theih tur a ngaih a ni.
Lawngtlai East bial;tu MLA Dr.Lorrain Lalpekliana Chinzah chuan rangtakin a bial chhunga chhiat tawkten chhawmdawlna an hmuh theih nan rang takin hma a la nghal a, vawiin khan Lawngtlai DC Pu Donny Lalruatsanga chuan mamawh hmasaa hman atan Silpouline engemawzat Thaltlang ah hian thawnin, Inchhiate chu kimchang zawka zirchian an nih hnu ah chhawmdawlna awmthei ang angte ngaihtuah a nih tur thu DC chuan a sawi.
Lai Autonomous Distrcit Council a Chief Executive Member Pu C.Lalsawmzuala chuan Rial vanga harsatna tawkte a tawrhpui thu sawiin, LADC Sorkar chuan a hmunah thilawmdan enfiah turin DM&R Officer a tirh thu leh, LADC Sorkar chuan chhawmdawlna awmthei angte a ngaihtuah tur thu Lawngtlaia DD News/ Akashvani palai a hrilh.
Thaltlang hi In 110 awmna niin, Indang pawh nasa vak lova Rialin a tihchhiat a awm nual ni a hriat a ni bawk.
Tags
News