.jpg)
Tunhnai mai khan Police lam chuan Opium chinna hmuchhuakin an tichhia a, Police thuchhuah a tarlan a nihdan chuan, ‘Opium Poppy chingtute ni ngeia hriat mi pahnih Lalzoa (48) s/o Basei of Saizawh E leh Aungling (51) s/o Basei of Saizawh E te chu man nghal niin NDPS Act leh Foreigners Act thubuai siamsak nghal an ni’ tih tarlan tel a ni.
Thubuai ziahluh ah hian Foreigners Act behchhan a nitel a, heihian he thubuaia inhnamhnawih ni a ngaihte hi Ramdangmi an ni tih a tifiah.
Court in thudik a la tifiah chhozel anga, ngaimawhawm lai nita chu hetiang thil thaloah ramdangmi thurchhuah an ni hi niin a hriat a, ramdangmite hi an huangtau thu sawi a awm fova, khawpui laili bakah, kan ram hnuai leh hmun remchangte chu dan kalha chet nan an hmang chho zel lovang tih sawilawk theih a ni lo.
Heng Non-Tribal (Indian) te hi an hnawk tihrukna a lianin, langsar taka hnawk tihna pawh a awmfo. Vai kan tih maite hi a bena benrem chi an nilova, Salima te, Adbula ten thawhhreh an neihloh laiin, engvanginnge ram hmangaihna nen chuan a ram neitu zawk chu hnathawk turin zing dar 5 ah kan thawh peihloh bik ang. Kan peih siloh chuan Social Media a rak chiam chiam bak hi kan thleng thui lo maithei.
Ramdangmite erawh an dinhmun a dang thung, a khawi ngamtu khua leh veng nihte hi a fuh tehchiamlo thei, awmzeneiin, dan tanchhan tur thatak awmsa hmang tangkaiin, ramdangmite khuahkhirhna hi nasa zawkin a kalpui thei ten an kalpui thuai a pawimawh ber awm e.