Lawngtlai DC, Pu Donny Lalruatsanga chuan vawiin tlai khan, Hmeichhe baihvaite tlukna One Stop Centre, College Veng, Lawngtlai a mi tlawhin, thawktute a kawm.
DC hi Pi J.Lalremkimi Centre Administrator leh thawktu dangten lo dawngsawngin, DC hian Office chhung leh Centre a pindan pawimawh zualte a fang a, Centre Administrator leh thawktu dangte chuan DC in One Stop Centre a tlawh chu lawmawm an tih thu sawiin, Centre dinhmun tlangpui DC hi an hrilh a, One Stop Centre Lawngtlai chu kum 2019 a din niin, Hmeichhe baivai 332 an lo enkawl tawh a, tun dinhmun ah thawktu 12 awmmekin, buaipuitur an neihdan a zirin, chhun leh zan danglam chuang lova an hna an thawh mai thin thu DC hi an hrilh a, tun dinhmun ah Centre kawtkai rualremlo chu siamthat an mamawh viau niin an sawia, he Centre a thawktute inpekna vangin Centre in a mamawh hrang hrang an lei thin thu te DC hi an hrilh bawk.
Pu Donny Lalruatsanga chuan One Stop Centre a thawktute inpekna chu chhuanawm a tih thu sawiin, Hmeichhe baihvai ten tlukluh ngam nan an hmang chuan thawktute rintlakzia a tifiah tih a sawi a, Centre thatak mai Lawngtlai in a nei chu mamawhtu ten tangzawka an hman zuizel a duh tih sawiin, Centre a thawktute pawh midang tana inpekna nun nen thahnemngai taka thawk zelturin a chah.