Iran indona vanga Oil leh Gas ah harsatna thleng palh thei lakah invenlawk dan tur vawiin khan Lawngtlai District Bawrhsap, Pu Donny Lalruatsanga hovin ngaihtuah a ni.
Pu Donny Lalruatsanga chuan West Asia buaina vangin tun dinhmun ah Lawngtlai District ah Oil leh Gas ah harsatna a awm lova,mipui tan chiaina tur a awm lova, thuneitu sang zawk atanga engemaw thulh ah lo invenlawk dan ruahman tura tih an nih thu sawiin, mipui chiaina tur nilovin, mipui hmakhua sutenna tur zawk a ni a ti.
DCSO bak ah Filling Station leh Gas Agent report atangin Oil leh Gas dinhmun a tha a, nidang an phaklohna a awmloh thu an sawi.
Petrol leh Diesel bik ah Filling Station ten Litres 8000 an neih chin ah a hlawm a hralh leh bur a dawh remtilo se, Litres 5000 an neih chin ah Permit hmanga pekchhuah nise an ti a, Filling Station te dinhmun chu DCSO leh Police inkawp ten karkhat ah vawi hnih enfiah thin se an ti.
Eirawngbawlna Gas bik ah Agent lam chuan Gas chu a ruka hralh theih a nihloh thu sawiin, system thatak kalpui nih vangin Card neilo tan laktheih a nilo an ti a, tunhnai ah Gas lak theihdan tihdanglam a nih thu sawiin, Khawpui huamchhung ah Gas an lak atanga Ni 25 a ral loh chuan laktheih a ni lova, Thingtlang ah Ni 45 chhung a tlak a ngaih thu sawilan a ni.
Vawiin Meeting chuan Joint Control Room ruahman tha n ti a, helam kaihhnawih Department ten an vil zui tura tih a ni.
Vawiin Meeting ah hian LADC leh CADC aiawh, S.P, 3rd IR Battalion Commandant, Filling Station leh Gas Agent aiawh bak ah Central YLA leh MJA Lawngtlai hruaitute an tel.