ZPM Thalai, Lai District Hqrs chuan LADC leiba Cheng Nuai 7295.73 chu Sorkar thar tan phurrit liantak a nih an rin thu leh, a nghawng chu hunin a la hrilh an rin thu vawiin khan Lawngtlai Press Club ah Thuthar thehdarhtute kawmin an sawi.
ZPM Thalai President Pu C.Kapkima chuan tun dinhmuna LADC leiba neih dan sawiin, Pension ah Nuai 3054.8 Hlawh indaihlohna kumin March thleng Nuai 3477.89, VC hlawh leh Non-Salary Nuai 45.36 leh MR Bill ba Nuai 717.68, a vaiin Nuai 7295.73 a nih thu sawiin, leiba hi tuna LADC a United Legislature Party Sorkar indinchho mek tan phurrit liantak a nih ngei an rin thu a sawi.
ZPM Thalai President chuan LADC Inthlanpui neihhmain Muster Roll 750 chuang lak a ni a, chu chu tuna Sorkar laite hian an hlawkpuia, Sorkar fawng an vawn rualin, MR an ban leh vek si chu ram in a mamawhna vanga MR hi lak nilovin, Politics a hamthatna hmuh duh vanga lak an ni tih a tifiah niin a sawi a, hetiang Politics bawlhhlawh hmanga kut thawhna thleng lakah ZPM Legislature Party te thuhruk a an awm chu ZPM Thalai chuan lamwawm an tih thu an sawi bawk.
Tags
News