Adviser to CM (Agriculture) Dr.Lorraina'n Ngengpuikai Nul a tlawh.

Adviser to Chief Minister (Agriculture) Dr.Lorrain Lalpekliana Chinzah chuan Ngengpuikai a Nul siamtute chu Sorkar hmalakna thataka an tawiawm leh, mithiamte thurawn anga hna an thawk chu fakawm a tih thu a sawi.

Nimin Inrinni khan Lawngtlai atanga Kilometres 40 a hla, Ngengpuikai ah Nul siamtute tan Training buatsaih a hmanpuina ah Adviser to Chief Minister chuan Ngengpuikai a Nul siamtute thawhrah chu Lawngtlai khawpuiin kum tamtak chhung an innghahna a ni tawh tih sawiin, mihring pungchhozela, Thlai tharchhuah pawh a punzel a tul a, Kuthnathawktuten tunlai thiamna hmanga hma an lak chu a pawimawh zual hle tawh niin a sawi a, Ngengpuikaia Nul siamtute chu KVK Lawngtlai leh Horticulture Department ten theihtawp chhuaha hma an lakpuina chu hmuhtheihin a hlawhtling chu lawmawm a tih thu a sawi a, KVK leh Horticulture Department atanga Kuthnathawktute tanpui a sem nghal.

Ngengpuikai a Nul siamtute chuan an Nul tih changtlunnan leh Sorkar hmalakna hlawk zawka an chhawr theih nan Tui pump khawl leh Kawlphetha te, Leilehna tur hmanrua an mamawh thu te Adiviser to CM hi an hrilha, Dr.Lorrain Lalpekliana Chinzah chuan an mamawh an thlente chu a theih anga lo bawhzui a tum thu a hrilh.