132 KV Sub Station tihpuitlin nan cheng Nuai 90 chuang sen a la ngai.

Mizoram Chhimlamin Kawlphetha hnianghnar zawk an neih nan a 132 KV Sub Station tihpuitlin nan cheng Nuai 90 chuang senbelh a la ngai.

Lawngtlai bul Chawnhu a 132 KV Sub Station sakmek chu tukin khan Congress Member, Lawngtlai West bialtu MLA Pu C.Ngunlianchunga'n tlawhin, Mizoram chhimlam, Lawngtlai leh Siaha District ten Kawlphetha hnianghnar zawk an neihtheih nan a hmalakna awmmek leh hna engemawzat zawhfel a ni tawh chu lawmawm a tihthu a sawi a, Kawlphetha chu kawng engkima mamawh a nih tawh vangin chhimlam mipui ten 132 KV Sub Station a taka hmantheih hun an nghakhlel hle niin a sawi.

Pu C.Ngunlianchunga hi P&E Department a SDO, Er.Malsawmdawngliana leh thawktu dang ten lo dawngsawngin, 132 KV Sub Station tihpui tlin nan cheng Nuai 90 chuang an la mamawh thu MLA hi an hrilha, thuneitu sang lam ah an thlenfel tawh thu leh kum kalta March thla atang khan hna thawh chhunzawm hleitheih a nih rihloh thu an sawi bawk.

Chawnhu a 132 KV Sub Station a bungrua thenkhat, cheng nuai 20 man hu vel a bo tih thawktute chuan sawiin, Police ten an chhui mek thu an sawilang bawk.

Pu C.Ngunlianchunga hi Lai District Youth Congress Committee President Pu Laltlawmlova Chinzah in a tawiawm.