West MLA in Lawngtlai Tuilakna a hmun ah tlawhin, Tui harsatna sutkian a nih theih nan hmalak tul a tihthu a sawi.

Tukin khan Lawngtlai West bialtu MLA, Pu C.Ngunlianchuanga'n, Lawngtlai khawpui chawmtu, Tuilakna a hmun ah tlawhin, mipui lamin Tui an hmuhthat theihloh chhan a enfiah.

Pu C.Ngunlianchunga hi Sr.Executive Engineer Pu H.Lalnunthanga leh PHED a thawktute bakah Power & Electricity hotuten dawngsawngin, Chhimtuipui a Tui lakna tangin Treatment Plan thleng MLA hian a tlawh.

Pu C.Ngunlianchunga chuan Lawngtlai khawpuiin Tui lama harsatna an tawk thin chu veitham a tling tih sawiin, hnathawktute chu an dinhmun a zawt a, PHED a Sr.EE Pu H.Lalnunthanga chuan duhthusamin Tui Pump ngaih hunlaiin Power Supply, Tui Pump khawl tinung turin Voltage sang an neitheilo chu tun dinhmuna an harsatna ber niin a sawi a, Power Voltage san laiin Tuidahkhawlna an neih tamtawk loh vangin duh chen chen Tui Pump ngawt theih a nilo tih sawiin, Lawngtlai khawpuiin nitin Tui Litres Nuai 14 vel an mamawh thin chu, Tui awm mahse, dahkhawlna an neihthat loh vangin harsatna an tawk niin a sawi.

Pu C.Ngunlianchunga chuan Tui dahkhawlna lian leh tha mamawhna a sang hle tih sawiin, theihtawp chhuah tlan tul a tih thu leh thuneitute pawn Lawngtlai mipui harsatna hriatpuiin, hmala se a duh thu a sawi.

Lawngtlai WEst MLA hi Pu Laltlawmlova Chinzah President, Lai DYCC in a tawiawm.