Vawiin khan Lawngtlai District Consumers Association hruaituten Lawngtlai khawpuia Tui harsatna sutkian a nih theih nan rawtna hrang hrang an neihte Pu Sapliankhuma SDO, PHED an sawipui.
Consumers Association hruaitute chuan hunpui laia Kohhran hrang hrang ten Special a Tui an dil thin chuan, Tui indaihlohna a thlen thin vangin mipuiin harsatna an tawhphah thin ni a sawiin, SDO chuan Lawngtlai Tuilakna tihlen a nih hma chuan Special a Tui pek thin chu tihtawp rih thaa a hriat thu a sawi.
Mumal zawka Tui Connection nei ten Tui an dawn theih nan Tuisemtu ten an Area theuh a Connection neite nen an awmna Whatsapp Group siam nise, Tuisem hunte an dawn zattur leh pawimawh dangte in hrilh nan hman nise tih te, Connection neiten Tui an dawn apiangin Tuisemtu ten Register mumal taka vawngin chhinchhiahin, Connection neituten Signature pe thin se ti a an thlen pawh SDO chuan tha a tih thu Consumer Association hruaitute hi a hrilh.
Lawngtlai District.Consumer Association hruaitute chuan Tuisemtu ten Tui an hralhru thin tih SDO hi hrilhin, heihian mipuiah Tui indaihlohna a thlen thin vangin, titawp turin an ngen a, SDO chuan Tui hralhruk chu phalloh a nih thu leh hetiang tih ching emaw ti emaw an hriat chuan a hnen ah thlen thin turin Association hruaitute a hrilh.
Mumal zawka Consumer ten Tui an dawn theih nan Veng hrang hranga Tuisem dan chu J.E leh S.A ten emaw enpui thinse ti a rawtna an thlen pawh SDO chuan lo bawhzui a tum thu a lo hrilh.