Thla hmasa December 3 a Lai Autonomous District Council inthlanpui neih ah Party mala Sorkarna siamthei an awmloh vangin Sorkar siamtuma hmalakna tum thum a zuzi hnu ah, Member 8 nei MNF leh Member 7 nei Congress ten United Legislature Party diin, Governor hnen ah Sorkarna an siamtheih thu vawiin khan an thlen.
MNF leh Indian National Congress inkawp United Legislature Party chuan an hruaitu atan MNF Member, Lawngtlai Chandmary bialtu MDC, Pu C.Lalsawmzuala an thlanga, Pu C.Lalsawmzuala hian LADC ah Sorkarna a siamtheih thu leh thlawptu a ngah tawk thu Governor ah hian thlenin, Governor chhanna ngaichan mek a ni.
LADC ah hian Inthlanpui neihah Bial 25 ah MNF in bial riat lain, Indian National Congress in Bial sarih, Zoram Peoples Movement in bial ruk, BJP leh Independent ten bial hnih ve ve la la a...
Inthlan Result hriatfel a nih hnuah Inthlan laia thawkdun MNF leh Congress thawhdunna chu Congress in chhuchatin, ZPM leh Congress chuan thawhdun tumin hma an la a, ZPM Thuneitu sanglamin thawhdun an remtihloh vangin, ZPM leh MNF chuan thawhdunna tur thuitak kalpuiin Sorkar ruangam tur pawh siamfelin, December 15 khan an hruaitu ZPM Member Pu T.Zakunga chuan Governor hnen ah Sorkar a siamtheih thu a thlen a, Governor atanga chhanna ngaihchan a nih laiin tunthla Ni 6 khan MNF General Hqrs chuan ZPM nen an thawhdunna an chhuchat a, LADC ah Sorkarna siamtura indawrna a kal kual mek laiin, MNF leh Congress chuan United Legislature Party dinin, Sorkarna siamtumin hma an la mek.
Tags
News