.jpg)
LADC ah Sorkar thar indinchho mekah nimin khan Chairman thlan a ni a, Vote thi pakhat a awm kha mak ti duh tan chuan maktak a niin a hriat a, mipuiin an aiawhtura thlante ah inthlahdah leh thil chik lemlo an awm tih a lanfiahtir in a hriat.
Kha Vote thi kha Vote thi satliah a nilova, a ziak chhiar theihloh emaw, engmah ziakloh emaw nilovin, Nomination file lo, midang daih hming ziahlan a ni kha a mak zuala, boruak engemawtak karah tu emaw chuan langlo atangin langsar takin lantir duh a nei nge ni anga, inthlahdah vang tih chu zawhna liantak niin a hriat.
Engpawhnise, LADC Session hi Live Telecast a pekchhuah a ni a, khawi hmun atang pawhin ena, thlir theih a ni tawh a, kha Vote thi khan LADC hlutna tihpun aiin, hmuhhniamna a tilianin, diriam duhte tan sawibelhtur a neihtir ngeiin a rinawm.
Achhan chu engpawhnise, a pawimawh lai ni a langta chu Session Hall chhungah, ram mipuiten an aiawha an thlante zingah pawh mahni Vote ti thi duh an awm mauh mai kha mipui maktih a hlawhlo thei lova, kha Vote thi khan ram hruaitute hi nguntakin mipuiin an chetdan leh khawsak dan hi an thlir tih a lanfiahtira, fimkhur a ngaihna laiah fimkhur zual a pawimawh a, rorelna hmun a reoreltute khawsak dan a zahawm chuan Ram leh Hnam a zahawm ngei ngei ang.
Sorkar thar, Member pawh thlan thar, thenkhat chu an vawikhat thutna te pawh a niang, ram rorelna a zahawm hi a paiwmawh ber a, Democracy in a kentel, thleng ngai zen zenlo a nih a rinawm a, thil thleng theilo a nihloh rualin, a hria apiangte mak tih erawh a ni awm e.