Lai Autonomous District Council 12 na a Sorkar thar piang chho mek ah vawiin khan LADC Chairman atan South Lungpher bialtu MDC, Congress Member Pu C.Lalmuanthanga thlan a ni.
LADC 12 na a Session hmasaber vawiin a neih hi Protem Chairman Pu C.Hrangthrianga'n kaihhruaiin, LADC Chairman thlanna neih a ni a, Rorellai United Legislature Party atanga Chairman chuhtu Pu C.Muanthanga chu thlan tlin niin, Chairman thar hian Session a kaihruai zui nghal.
Pu C.Lalmuanthanga chuan Pathian leh Member te duhsakna changa Lairama rorelna sang ah Chairman dinhmun a luahthei chu lawmawm a tih thu sawiin, finchhuah a ngaihna ah mamah finchhuah hrelo turin Member te a sawm.
Chairman thar hi House Leader Pu C.Lalsawmzuala bak ah Pu T.Zakunga leh Pu C.Ngunlianchunga ten duhsakna an hlan thu House ah an sawi a, Chairman thar hian vawiin khan a Office a luah nghal.
Ruahmanlawk dan chuan nimin a Chief Executive Member atana lakluh tak Pu C.Lalsawmzuala'n thlawptu a neihdan chu Chairman thar kaihhruaina hnuaiah naktuk khian fiah a ni ang.
Tags
News