Tunkar Thawhlehni a Lai Autonomous District Council a Chief Executive Member atan lakluh, Pu C.Lalsawmzuala chuan vawiin khan amah rintawkna a paltlang.
LADC Term 12 na a MNF leh Congress inkawp United Legislature Party hruaitu Pu C.Lalsawmzuala chu vawiin khan LADC Chairman Pu C.Lalmuanthanga kaihhruaina hnuai ah LADC Session ah thlawptu a neihdan fiah a ni a, Member 25 awmna LADC ah Pu C.Lalsawmzuala chuan thlawptu a ngah tawk tih fiah niin, Member 15 ten CEM ringtawk zawngin ban an phar a, Member 9 in ringtawklo zawngin ban an phar.
CEM ringtawk lam ah hian MNF Member 8, Congress Member 6 bakah Pu C.Lalneihkhuma Independent ten ban an phar.
Hemi hnu hian Chairman Pu C.Lalmuanthanga chuan CEM Pu C.Lalsawmzuala'n thlawptu a ngah tawk tih a puang a, CEM chuan amah thlawp tute chungah lawmthu sawiin, a thlawplo zawnga ban pharte pawh Sorkar tha din a nihtheih nan thawhpuiah a sawm.
Chief Executive Member in thlawptu a ngah tawk vanga lawmpui thu sawi zingah Pu C.Ngunlianchunga leh Pu V.Zirsanga te pawh an tel.
Tags
News