SEC hotuten Lawngtlai an tlawh, LADC Inthlan huntur tihchian a la nilo.

Vawiin khan Mizoram State Election Commission hotute chuan Lawngtlai tlawhin, Lai Autonomous District Council inthlanpui neihtur chungchangah Political Party, Kohhran, Tlawmngai pawl leh Chanchinbumite, DC Conference Hall, Lawngtlai ah an kawm a, LADC Inthlanpui neih huntur tihchian a la nilo.

State Election Commission a Commisioner Dr. H. Lalthlangliana chuan LADC inthlan hmachhawnmek a nih thu leh tihtur pawimawhte bawhzui mek a ni a ti a, Meeting a telte ngaihdan zawtin, he huna telte chuan Kristian te hunpui, Krismas nen inang buailo zawnga Inthlanpui neih tha an tih thu an sawi a, Inthlanna felfai leh dik a awm theih nana rawtna hrang hrang awmte chu Commisioner chuan an lo ngaihtuahzui tur thu a sawi.

Dr.H.Lalthlangliana, Commissioner, SEC chuan Inthlanpui tluang taka neih a nihtheih nan Political Party, Tlawmngai pawl, Kohhran leh Chanchinbumite an pawimawh talzet tih sawiin, MPF leh Tlawmngai pawl te hmalakna leh inpekna vangin inthlanna muanawm leh felfai tak tak neih a ni thin a ti.

Zawhna chhangin Commissioner chuan tun dinhmun ah LADC Inthlanpui neih huntur ah thutawp engmah siam a la nilo a ti a, Lai Autonomouss District Council inthlanpui neih hnuhnungber, kum 2020 ah khan December 4 ah Vote thlak niin December Ni 8 ah Vote chhiar a ni.

Commisioner hi Secretary Pu V.L. Remliana leh Dy. Secretary Pu Vanlalchhuanawma Chawngthu  bakah LawngtlaI District Election Officer, Bawrhsap Pu Donny Lalruatsanga leh District Election hotuten an tawiawm.