District Legal Services Authority a Crime Compensation dilnalut 17 atang Case 10 thlanchhuah a ni.

The Lawngtlai Post

Lawngtlai District Legal Services Authority  bul tumin nimin khan DC conference hall Lawngtlaiah District Legal Services Comittee  ṭhu khawmin District Legal Services Authority, Lawngtlai aṭanga victim compensation dilna lut te an ngaihtuah a ni a,, dilna lut 17 aṭangin case 10  chu compensation pek turn an thlang fel.             

Pi R. Vanlalchami District & Session Judge leh Lawngtlai DLSA Chairman ni bawk chuan meeting hi kaihruaiin, Pi Jothansangi Tlau, Secretary DLSA Lawngtlai in dilna  lut 17 te pharhin a sawifiah a. Case tin tehi ngun taka ngaihtuah a sawiho anih hnuah case 10  chu The Mizoram victim of crime compensation scheme,2016 hnuaiah victim compensation dawng turin an thlang fel a,  District Legal Services Comittee in crime compensation hmutura an remtih te hmuhtur hi a vaiin cheng nuai 56 ani.

Meeting ah hian District Legal Services comittee member, Deputy Comissioner Lawngtlai aiawh leh Superintendent of Police Lawngtlai aiawh te bakah Judicial Magistrate First Class Pu C. Lalremsanga, Assistant Public Prosecutor Pu C. Lalbiakkima, Pi C. Lalrinkimi President Lai Women Association (LWA) leh Central YLA aiawhin Pu Eden Lalrammawia Chinzah Finance secretary, Central YLA te an tel ani.        
       

The Mizoram victim of crime compensation scheme,2016 hnuaiah hian pawi khawihna rapthlak tuartu nunna chan te leh taksa leh rilru lama rualbanlohna thlen phah khawp hial a pawi khawihna tuartu te hnenah zangnadawmna hi pek ṭhin niin,  DLSA Office Lawngtlai ah dilna hi thehluh ṭhin a ni.