.jpg)
LADC Term kallai chu kumin December hian a tawp dawn a, Inthlanpui hmachhawn turin inbuatsaihna pawh chaktakin kalpui a ni a, Commissioner, State Election Commission leh SEC hotu dangte pawn Lawngtlai an rawn tlawh a nih kha.
Kum 2020 Inthlanpuiah khan December 4 ah Vote thlak niin, December 8 ah Vote chhiar a ni a, December 18 aia tlailo ah Sorkar piang tura ruahman a ni.
Tuna Sorkar dinglai emaw, Member nilaite lam nilovin, LADC Inthlanpui neih hun hi sawn hlat a thatna lai a awm nualin a hriat a, Kristiante hunpui nen a Ni in nangbuai chiahlo mahse, Politics boruakin Krismas boruak a chiahpha thin hi a fuh lem lova, Inkalpawhna kawng, a bikin Thingtlang kilkhawr lamte pawh duh angin a la tha hman thin lova, Inthlan buaipuitu tan pawn khawvawt tak hnuai ah chetchhuah a ngai thin.
Khinglo pawh khi chhuanlam tha tak tak a la awmthei maithei e, LADC Inthlanpui neih hun hi sawnhlat theih a nih chuan February thla chawhnu lam ah emaw ni thin sela, Fur ruahtui a la tla lova, khawvawt zualpui a ziaawm chhova, khawtlang leh ram inrelbawlna ah hunpui pawimawh bik, Inthlanna tibuai theitur ang chi a awm lemlova, inkal pawhna kawng ziaawm lai a ni bawk a, kil hrang hrang atanga chhutin Inthlanpui neih apiangin February thla chawhnu lam ah neih thin nise a duhawm mange tih hi Inthlanpui bik ngun taka thlir thinte ngaihdan pakhat a nih a rinawm.