Lai Autonomous District Council a Chairman, Pu T.Zakunga leh Deputy Chairman C,Biakthansangi te chuan vawiin khan banna Governor hnen ah an tehlut a, heivang hian LADC a CEM in thlawptu aneih dan fiah theih a nilo.
Nimina Chief Executive Member atan lakluhtak, United Democratic Alliance hruaitu Pu N.Zangura chuan thlawptu a neihdan fiahturin vawiin chhun dar 12 a tan turin LADC Chairman Pu T.Zakunga chuan nimin tlailam khan LADC Emergency Session a kova, Session tan hma hian ZPM Sorkar tlu taa, Chairman leh Deputy Chairman ten banna an tehluh vangin Session kaihhruaitur an awmloh vangin Pu N.Zangura dinhmun pawh fiah theih a ni lo.
Session Hall ah Member thenkhat chu an lut hmana, Chairman leh Deputy Chairman an bang tih an hriat hnu ah Session Hall hi an chhuahsan nghal.
Pu T.Zakunga hi kumin March 26 khan LADC Chairman atan thlan a ni a, C.Biakthansangi hi April 22, 2025 khan Deputy Chairman atan thlan a ni.
LADC a UDA Sorkar piang chhomek ah, Chairman leh Deputy Chairman an ban vang hian UDA lam chuan Governor hnen ah Protem Chairman ruatsak turin ngen thuai an tum a, Protem Chairman kaihhruaina hnuai ah Chairman thar thlanna neih a la ni ang.
Tags
News