Pu Lalthanmawia Colney MDC, chu Protem Chairman atan lakluh ani.

The Lawngtlai Post

Lai Autonomous District Council a Protem Chairman atan Pu Lalthanmawia Colney, MDC chu vawiin khan Additional DC, Lawngtlai Pu David Lalrinawma'n rinawmna tiamtirin a lalut.

Protem Chairman lakluhna hi Additional DC Chamber ah neih niin, United Democratic Alliance a MDC leh mipawimawh dangte an tel.

LADC a Pu N.Zangura kaihhruai, United Democratic Alliance sokar piangchho mek ah Chairman leh Deputy Chairman an ban vangin, CEM  rawtna pawmpuiin Governor chuan Protem Chairman atan Pu Lalthanmawia Colney a ruat a, Protem Chairman kaihhruaina hnuaiah Zirtawpni August 22, 2025 khian LADC Session ah Chairman thar thlan tum a ni.

Ruahmanlawk ang chuan Zirtawpni ah Chairman thar thlan zawh, chawhnu lam ah CEM Pu N.Zangura'n thlawptu a neihdan House ah fiah tum a ni.