Mizoram Journalists' Association, Lawngtlai District chuan tuhnai a MJA Gen. Hqrs in Lawngtlai District atanga Member nih diltu mi pahnih Pu H.Lalhmingmawia Editor Lawngtlai Today leh Pu Omeg Lalramkinlova, Editor The Chawngte Times te, MJA Member a lakluhna hun vawiin khan an hmang.
Lawngtlai Press Club a Member thar lakluhna hi Pu H.Lalrinmawia District Vice President kaihhruai ah, District MJA President Pu Elvis Lalthangzuala chuan Chanchinthar thehdarhna hmanrua leh thehdarh dan inherdanglam chho mek ah, mipuiin thudik ziktluaklo leh belhchian dawllo an dawng nasa a, hetiang karah hian MJA Member te chu thurintlak thehdarh turin mipuiin an chungah rinna an nghat lian hle tih sawiin, MJA Member te chu tan la deuh deuh tur a fuihin, Print Media tlansan lova, behchhana hmang chunga New Media hmantangkai kawngah Lawngtlai District MJA te chu sulsutu langsar leh rintlak ni chhunzawmzel se a duh thu a sawi.
Lawngtlaia MJA Member tharte hi District President chuan Member atan lalutin, MJA Kawr, Puanbah, MJA Batch, ID Card leh District MJA inkaihhruaina Danbu hlan an ni a, lakluh thar te leh Member nisa te atangin thuchah ngaihthlak a ni bawk.
Tags
News