PHE Department a Chief Engineer, Er.Lalropuia'n Lawngtlai tlawhin, Department hmalakna leh hmachhawpte a hmunah a en.

Vawiin khan PHE Department a Chief Engineer, Zone-II, Er Lalropuia chuan Lawngtlai  tlawhin, PHE Department hmalakna leh hmachhawp te a hmun ah a en.

PHE Department a Chief Engineer hi Er Lalsanga, S.E, Lunglei WATSAN Circle chuan tawiawmin, Lawngtlai ah hian Sr.Executive Engineer, Er.H.Lalnunthanga hovin  an lo dawngsawng.

PHE Department hotute hian Greater Lawngtlai Water Supply Scheme tihlen tuma hmalakna kalmek ah, hmunhma mamawh te a enfiah a, Chawnhu Tlanga Tui dahkhawlna Tui Litres Nuai 5 dawng awmna ah Tuizem lian dang dahbelh danturte, Lawngtlai khawpui chhung a Tuizem dang dahbelh dan turte leh  National Highway kama PHE Department ramruak, tangkai zawka hmandan tur te a enbak ah, Lawngtlai Tuilakna Chhimtuipui kam a mi a tlawh bawk.

Chief Engineer hian a enkawl Department hnuaia thawktute kawmin, infuihtharna hun an hmang bawk.

Lawngtlai WATSAN Division lamin mipui rawng an bawl nana hmachhawp an neih leh mamawh an neih an thlente chu a theih anga lo enzui a tum thu a sawi.