.jpg)
Football leh buaina hi inzawm tlat a ngaihtheih a ni hial awm e, khawvel huapa League lian tak tak ah pawh Player te insumzolo, tharum thawhna lam hawi hmuhtur leh hriattur a awmfova, heng Player ho phei hi chu buaina laka inthiarfihlim thei tur khawpa a bika zirtirna dawng an ni, an insumzawhloh chang a awmfo.
Tunlai hian Inter Branch YLA Football khelhmek a ni a, buaina awm Video viral hmuhtur a awm a, Social Media lamah Lawngtlai District demna, tawngkam duhawmloh pui pui a rizui a, a pawikhawp mai.
Mizoram hmun hrang hranga Football vanga buaina chhuak hi a tam khawpa, enlet duh tan pawn haichhuah maitheih a ni a, Lawngtlaia thilthleng hian sawizui a hlawh zual thin hi thil lawmawm tak niin a hriat a, thilthleng inang rengah, keini aia hnuaia ngaihte thiltih chu tuman kan sawi kan sawi peihlo tih hria ila, Zoram khawvel hian Lawngtlai hi a chungen a ni tih pawm ila, heihian buaina kha thiltha a ni e, tihlam a kawk lova, mipui hian Lawngtlai hi an enbik tih erawh hriat a tha a, heivang hian fimkhur ngaihna hrang hrangah District tihmingchhe thei zawnga chetloh hi a finthlak tih i zirchhuak teh ang u.
Media a chaktawh a, khawdang buaina pawh a darh tho tih hi inhnemna awmzeneilo a ni tih pawm ila, chhungkaw buaina chu chhungkua ah tawp maise, thenawm khawveng hriata puanzar kher hi thiltullo, mahni mawnghlimna a ni tih hriat a hun a, hetiang thilthleng thehdarh lama phur leh kut rang tak te hian Lawngtlai District hi an ta ah an pawmlovin, a neitu an ni tih an inhriat a tul a, tuman mahni mualphona tur an thehdarh duh a rinawmloh.