Vawiin khan Lawngtlai District - tana Vikshit Krishi Sankalp Abhiyan ( Pre- Kharif Campaign) hawnna inkhawm chu Multipurpose Community Centre, Chawnhu-ah neih a ni a. Dr.C. Lalfakawma, Senior Scientist & Head, KVK, chuan kaihruaiin, Pi Margaret J. Vanlalremmawii, SDO (Sadar) chuan khuallian niin a hmanpui
Pi Margaret J. Vanlalremmawii chuan hlawhtling leh tangkai taka Vikshit Krishi Sankalp Abhiyan ( Pre- Kharif Campaign) kalpui a beisei thu sawiin, a hawng a, India ram pumpuia campaign kalpui tur a nih thu sawiin, loneituten a takin hlawkna an hmu ngei thei dawn a ni, a ti. SDO (S) chuan Mizoramah ngei pawh loneitu an tam hle a, an hmasawnna tura hmalak chu sawrkar mawhphurhna a nih angin, sawrkar pawhin theihtawp a chhuah reng a ni, a ti. Sik leh sa danglam zel avangin, thlai chin dan pawh thlak danglam a tul thu sawiin, he campaign hian sik leh sa mila thlai chin (Climate Resilient Agriculture) lamah pawh hmasawnna thar a thlen ngei a beisei thu a sawi.
Mizoramin rahbi thar kai turin loneitue an pawimawh hle tih sawiin, SDO ( S) chuan sawrkarin hmalakna a neih hrang hrangah mipui tawiawmna pawimawh tih sawiin, a bik takin line department - te chu theihtawp chhuaha thawk turin a chah a. Ei leh bar pawimawhna sawiin, State dang atanga lakluh ti tlem turin thlai thar chhuah kawngah mahni mamawh bak thar chhuak ngei turin loneitute a fuih a. Lawngtlai District chhunga Vikshit Krishi Sankalp Abhiyan ( Pre- Kharif Campaign) hlawhtling taka kalpui a nih theih nan Pi Margaret J. Vanlalremmawii chuan Loneitute leh line department- te duhsakna a hlan nghal bawk.
Pi Margaret J. Vanlalremmawii chuan Lawngtlai District chhunga Vikshit Krishi Sankalp Abhiyan ( Pre- Kharif Campaign) kalpuitu tur Team pathum te chu an kalna hmun apianga Loneitute tana hlawkna leh hlawhtlinna thlentu ni tura duhsakna hlanin a vailiam nghal a ni.
Vikshit Krishi Sankalp Abhiyan (Pre- Kharif Campaign) – hi India ram pumah ni 29 May- 12th June 2025 chhung kalpui tur a ni a. Campaign kalpui chhung hian Agriculture leh a kaihhnawih Department ten technology tha leh changtlung tak tak an neihte chu an puangzar bawk ang.
Vawiin Vikshit Krishi Sankalp Abhiyan ( Pre- Kharif Campaign) hawnna inkhawmah hian Krishi Vigyan Kendgra ( KVK), Agriculture Technology Management Agency ( ATMA), Horticulture Department, Agriculture Department leh Animal Husbandry & Veterinary Department, hotute bakah Loneitute an tel.
Tags
News