Nimin Inrinni zing karah khan Lawngtlai district Sabualtlang khuaa khawsa mek Roby Chondro kum 41 chu an Lo a a feh tur Savawmin alo bei a, hliam natak tuarin Damdawiin panpui ani.
Sabualtlang hi Lawngtlai atanga Km 120 vela hla, Burma ramri dep a awm ani a, Bru hlang awmna khua ani. Kuminah hian an khua atanga Burma lam hnaih Km 5 vela hla ah Lo an nei a, Nimin Inrinni April Ni 25 zing dar 5 vel khan Pu Roby Chondro hi an lo a feh turin a mahin a kal a, Khua atanga Km 4 vel akal tawh ang tih ah kawngchhak atangin Savawm in alo bei chiam mai a, Pu Roby Chondro hian a chem ken nen theihtawpa lo bei letin, Savawm hian a hmai leh a taksa hmun hrang hrangah alo ham sak a, Pu Roby chondro hian nikhua a hriatloh hnuah Savawm hi a inthiarfihlim ta ani. Roby Chondro nikhawhrelo a kawnga alo awm chu a hnung a feh tura kal mi pathum ten hmu in khua amite an phone nghal a, Sabualtlang VCP Pu Zama Chondro chuan a Gypsi thawh chhuahpuiin, Roby Chondro chu Lawngtlai lam panpui nghal ani a, nimin chawhma dar 11 vel khan LCMC thlenpui niin, Damdawiin a thawk ten a hliam chu an lo buaipui nghal a,Damdawin a thawktute hian a nunna atana hlauhthawnawm lutuk anih loh thu an sawi.
Pu Roby Chondro hi Savawmin alo beihna ah hian a lu a khawih na ber a, a Lu hi hmun tamtakah an thui a,Khawl a an enfiahna ah a luruh hi a khi niin an sawi a, a mit veilam hi Savawm hian a ham sak bawk a, a beng veilam a ham thlersak bawk. A malpui veilam leh dinglam ah Savawm hian a ham bawk a, a ban puam dinglamah a ham sak bawk. Pu Chondro hian a chet hlek chuan a nak dinglam hi na a ti hle a, Xray a alan dan chuan a nakruh veilam pakhat a tliak niin an sawi bawk. Pu Roby Chondro awmpuitu a nau Dunirang chuan Savawm hi a kawlh hle a, a No hruailai ni ngeia an rin thu a sawi bawk.
Tags
News