 |
| The Lawngtlai Post |
Nizan dar 10:30 vel khan Lawngtlai Bazar venga In pathum leh Chandmary veng ah Inrellai pahnih telin In pali a chim a, hriattheih chin ah vanneihthlak tak in chanchin buatsaihlai thleng hian thi an awmlo
Inchimna lai hi Lawngtlai Bazar veng leh Chandmary veng inrinna lai niin,In chim zinga pakhat chu Assamtype niin a dang zawng chu RCC a ni
Nizan lam ah a theih ang angin chhanchhuah hna thawhnghal a ni a, tukin zing atangin beihpui thlakzui leh niin
Tukin zing dar 10 khan Bazar Veng a Pi Vanlalhlupuii Fanai In, Gelead Drop-in-Centre leh Hotel leh mimalin an luah atangin Hotel a thleng Rakhine lam mi ni a hriat pakhat chu damin lakchhuah a ni a, Rakhine lam mi bawk ni a hriat pakhat chu chhanchhuah tumin beih mek a ni
Bazar Veng leh Chandmary a Inchim te hi kawngan chu dawr atan hman a ni hlawm a, inluahtute hi an insaseng hman a, Hotel a thlengte zingah insaseng hman velote chu in hian a chim pui ta a ni.
Chhanchhuah hna hi Lawngtlai DC ruahmanna hnuaiah 3rd IR Batallion Thingkah a SDRF leh Quick Response Team Lawngtlai District bakah Young Lai Association member ten thawk nghalin, ruah a sur deuh reng vangte, In chim hi a chet deuh zeuh zeuh vang leh tuna inchim kar a tang hi a tanna pawhtur a kawng sial a harsat deuh vangin chhanchhuahna hna hi thawh chak hleihtheih a nilo.
Inchim vang hian National Higway chu lirthei engchimah kaltlang theih a nilova, Bazar veng leh Chandmary atanga Lawngtlai Electric Veng lam panna pawh kaltlang theih a nilo.
Zanin dar 7:50 khan Lawngtlai in chimin a chim hnan tang zinga Pakhat ( a hnuhnung ber nia hriat) dam taka lakchhuah niin, damdawiin lamah nghal a ni.
Tags
News