CEM in MJA hruaitute Thingpui a inpui. Hnathawktute hlawhtur puk a ni dawn.

Lai Autonomous District Council a Chief Executive Member Pu N.Zangura chuan LADC hnuaia thawktuten hlawh an laklohna chhan ber chu LADC a  ZPM Sorkar reilote a din chhunga CEM in fiahna a paltlang theihna tura Floor test neih a nihloh vang a ni, a ti.

Vawiin khan Pu N.Zangura hian MJA Lawngtlai District hruaitute thingpui inpuiin, LADC Chairman chuan CEM floor test nei turin ruahmanna a siam mailoh vangin ZPM sorkar laia Budget passed chu Governor in a pawmloh vangin hnathawktute hlawh hi pektheih a ni ta lo tih sawiin, LADC hnuaia thawktuten hlawh an laktheih nan Governor hnen ah ngenna an thlen tih Pu N.Zangura chuan sawiin, a hlawhtlinna pawh hmuhthuai an inbeisei a ti a, lehkha pawimawh bawhzui kawng ah hmalakpuitute chungah CEM chuan lawmthu sawiin, Lawngtlai East leh Lawngtlai West MLA te hmalakna pawh chhuanawm a tih thu a sawi a, LADC hnuaia hlawh lakloh chhan chu United Democratic Alliance te vang a nilo a ti a, United Democratic Alliance ten Governor chu an duhdan dana hruaikawi anga sawi awm chu belhchiandawllo, tute tan mah dan kalhin Governor chu hruaikawi theih a nilo a ti.

Tuna LADC hnuaia hnathawktute hlawhtur pawh a pung awmlovin State Sorkar sum puk tura ruahman a ni a ti a, LADC chuan Budget a la neihloh vangin an pawisa neihte hmantheih a la nilo niin Chief Executive Member Pu N.Zangura chuan a sawi.