Vawiin khan MJA Lawngtlai District chuan an District chhung atanga Mizoram Information Service a tling, tunaa a hna thawktan tawh Gospel Vanlalpani Vandir chawimawina hun an hmang.
Lawngtlai Press Club a he hun hmanah hian Gospel Vanlalpani Vandir chuan MJA Lawngtlai District ten Pathian zarah a hlawhtlinna an hlutpui chu lawmawm a tih thu sawiin, Information Department leh MJA chu kalkawp tlat a nih vangin thawhdunna tha awmmek chu chawinun zel nise a duh thu a sawi a, amah finchhuah leh zilh leh puih a ngaihna ah MJA Lawngtlai District te chu paber ah a neih tlat tur a ni a ti.
District MJA President Pu Elvis Lalthangzuala chuan Lawngtlai District in MIS thatak tak a nei chu MJA te an lawm hle tih sawiin, Journalism chu hna nuam tak a nih rualin, chawpchilh tak taka thuziak leh thutlukna siam thin an nih vangin Pathian a innghat chunga fimkhur taka thawh ngai a ni a ti.
Gospel Vanlalpani Vandir, MIS lawmpuina ah hian District MJA hruaitu dangte pawn fuihna thu an sawi.