Lai Autonomous District Council Sorkar buai mek chungchangah vawiin khan BJP leh MNF leh pawnlam atanga thlawptu Congress MDC ten an din United Democratic Alliance te chuan Lawngtlai Press Club ah thuthar thehdarhtute kawmin, LADC Sorkar buaina chu ZPM Legislature Party vang anih thu an sawi.
Lungtian bialtu MDC Pu Sanghuliana Mualchin chuan LADC ah ZPM Legislature Party ten Sorkarna siamthei khawp Member neilo chunga an kiang duhlo chu mipui zahlohna a an ngaih thu a sawi a, LADC Chairman leh Deputy Chairman chu Governor thu anga an kalloh vangin LADC Budget hmantheihloh chhan bulber ah puhin, LADC hnuaia thawkten hlawh an laktheihloh chhan chu anmahni vang ni a sawiin, mipui aiin an dawhkan humhimtuma an luah tlat chu pawi a tih thu a sawi.
United Democratic Alliance Member chuan LADC Chairman in CEM fiahna neitura Floor test neih a nihtheih nan a hmalatur a tihna a dawng nawnfo leh a bawhzui duhlo chu Democracy palzutna a nih thu a sawi a, Lai Students Association ten ram tan hma an lakna chu UDA chuan zahawm an tih thu sawiin, Anti Defection Law neih thuai a pawimawh an tih thu a sawi.
Tuithumhnar bialtu MDC, Pu H.Lalmuansanga pawn LADC Politics chungchang a sawifiah a, LADC ah Sorkarna siamthei khawpa Member ngah UDA ten Sorkarna siamtura ke an penna ah Democracy kalphung zahtaka Governor leh State a ZPM Sorkar in hma a lakna chu lawmawm an tih thu UDA te chuan an sawi bawk.
Tags
News