.jpeg) |
| The Lawngtlai Post |
Vawiin chawhma dar 9:40 vel khan Hmawngbuchhuah atanga Vaseikai pantur Maxicab MZ 01D 8215 (TATA Sumo) chu Tuichawngtlang leh Vathuampui inkar, Vathuampui atanga Kilometre khat leha chanve vel a hla ah a chesual a, a hmun ah mi pahnih an thi.
Vathuampui Branch YMA hruaituite atanga The Lawngtlai Post in thu a dawn danin, Maxicab ah hian mi sawmpakhat Mipa 5 leh hmeichhia 6 an chuanga, Vathuampui luh dawn Betsuri lui thlen hmain an chesual a, Maxicab khalhtu Pu Nghapiang Hmawngbuchhuah khua leh Maxicab a chuang Pu Naimaru Varang (Myanmar) a mite chu a hmunah an thi.
Maxicab hi Hmawngbuchhuah atangin Vaseikaia Bazar tur phur ni a sawi a ni.
Chetsualna a thleng tih hriat a nih ve leh Vathuampui atangin mitlawmngai thahnemtak chetsualna ah hian kalin, Vathuampui Branch YMA chuan ruang lain, tanpuingaite a theih ang angin an tanpui a, ruang leh hliam tuarte Vathuampui panpuiin, Vathuampui Branch YMA ten kuang siamin vawiin dar 1:30 khan ruang te hi Vathuampui atangin an khua panpui an ni.
Tags
News