India leh Pakistan inkar boruak chhemek vanga, boruak atanga hmelma ten an rawn beih thulha mipui lam chetlak dantur tihchhinna nizan khan Lawngtlai District ah neih niin, duhthusamin thaveklo mahse a tlangpuiin a tha thawhkhat viauin a hriat.
Nimin lam ah District Magistrate chuan Blackout neih chhintur a nih thu te, hemi hunchhunga mipuite tihtur leh tihloh tur te thuchhuah siamin a tarlang a, Khua leh veng hrang hranga Information Centre atangte Social Media hmangten zau takin puanzar niin, nizan dar 8 atangin Blackout hi neih chhin niin Minutes nga chhung a awh.
Lawngtlai District chhung thingtlang khua leh khaw lian ve dang ah te pawh zawm a hlawh tha viau tih dawn a ni a, Lawngtlai khawpui bik ah veng thenkhat zawmtha an awmlaiin, veng tamzawk ah chuan zawm a hlawh viau rualin zawmdan a khairual chiahlo niin a hriat.
Duhthusama zawm a hlawhthatlohna chhan zingah ram ralmuang a awm reng an nih vangin mipui ah ngaipawimawh tawklo an awm nual niin a hriat a, kawthler tihen nan a Nizung chakna hmang engchhit te chu tihthim maitheih a nihloh vang te chu a chhan langsar zingah a tel.
Tags
News