Lawngtlai District a PHE Department hnathawh leh hmachhawpte en a kal PHE Department a Chief Engineer, Er.Ngentluanga chuan vawiin khan Lawngtlai khawpui chawmtu PHE Department tuilakna Greater Lawngtlai Water Supply Scheme a tlawh.
PHE Department a Chief Engineer Zone-II hian Chawnhu tlanga Tui dahkhawlna tlawhin, helai chhehvela Tuizem lian dang dahna hmunhma tur a ruahman a enfiah a, Lawngtlai khawpuiin Tuilakna thatak a nei chu Greater Lawngtlai Water Supply Scheme hna tan a nih atanga a puitlin thlengin Tlawmngaipawl leh mipuiten neitu chan changa Sorkar hmalakna an thlawp tlat vang a ni a ti a, tun dinhmunah Lawngtlai khawpui thangchhoh zelah Tuilakna chu tihlen tumin ruahmanna pawh neih chhoh mek a ni a ti bawk.
Lawngtlai Tuilakna a Tui pump khawl chu thlaveng awmlo a ni a, a chhiat chuan Tui pump theihloh a nih vangin Sorkar chuan Tui pump khawl leh mamawh dangte Rs. 1,39,91,071/- (Cheng Vaibelchhe 1 Nuai 39, Sing 9 Sangkhat sawmsarih pakhat) man leiturin tihfel ngaite a tihfel tawh thu Er.Ngentluanga Chief Engineer chuan a sawi.
Chief Engineer hi Executive Engineer PHED, Lawngtlai WATSAN Division, Er.H.Lalnunthanga leh thawktu dang ten an tawiawm.
Tags
News