Vawiin khan International Nurses Day chu Trained Nurses Association of India, Lawngtlai District Branch chuan LADC Hall ah Lawngtlai West MLA, Pu C.Ngunlianchunga hovin an hmang.
Pi F.Lalnunsiami, Principal ANM School, Lawngtlai Nurses Day puala hun hmanah khuallian Pu C.Ngunlianchunga chuan Nurse te chu Damlo ten damna an neihtheih nana a bulthut pawimawh ber an ni tih sawiin, Damlo bula an chezia leh tawngkam chu damlo tan damna a tling a ti a, Nurse hna chu damlo hmangaihna tak tak nena thawh chi a ni tih sawiin, hmangaihna tellova damlo enkawl thin te chu Nurse tha an ni thei ngailo a ti.
Lawngtlai West MLA chuan Lawngtlai By Pass Raod laihna ah thilfello a awm ni a hriat chungchangah he hna buaipui tanlaiin LADC a CEM a nihlai a ni a, a thubuai chu Sorkar in Court lam ah ngaihtuah a remti tih sawiin, a thubuai neih chu eirukna, hlemhletna lam a nilo tih sawiin, ram neitute tlawmngai tura a ngenna ah a hnulamah he Project lo puitlinglo zui nen thuneihna hmang sualah puh a nih thu a sawi a, Assembly House a a lo sawi tawh angin, eirukna a ni emaw, thuneihna hman sualna ah pawh inhnamhnawihna a neih a hriatloh thu sawiin, Bail laklawk a tumloh thu a sawi a, a tul chuan ram tan Jail tan a inhuam thu a sawi bawk.
TNAI District Branch Lawngtlai hi Mizoram State Branch hnuaia awm niin, kum 2018 May Ni 12 khan din ani a, tun dinhmunah Lawngtlaia Hospital pathum District Hospital, Christian Hospital leh Lairam Christian medical Centre leh ANM School,Lawngtlai atangte in Members hi 110 an awm mek ani.
Pu C.Ngunlianchunga chuan LADC a Sorkar a kal mumal theilo leh Sorkar din nana thil kalpuidan chu hnam tan mualphona a ni a ti a, Sorkar nghialnghet a awmtheih nan Anti Defection law neih chu thil pawimawh tak a nih rualin, duh duha neih maitheih a nilova, he dan hi neitura beih a tul a tih thu a sawi a, thinlunglamah Anti Defection Law hi vawnnuna kalpui ngam hi a paiwmawhber a ni a ti bawk.
Tags
News