Siachangkawn daiah Methamphetamine mum 1,80,000 man a ni.

Tukin  zinglam dar 8 vel  khan Siachangkawn, Lawngtlai District khaw daiah, YLA, Siachangkawn Branch, Mizoram Police leh 20th Assam Rifle  te inkawp a duty ten Methamphetamine mum 1,80,000 an man.

The Lawngtlai Post in YLA hruaitute atanga thu a dawn danin, Police, Assam Rifle leh Young Lai Association duty te hian Apache Bike, MZ-03A-0350 chu enfiahin, he Bike a chuang  Phunthawnga Kum 42, S/O Macheu-a (L) Lungrang, Halkha District Myanmar, tuna New Siaha East-II a khawsa ni a inchhal hnen atangin Methamphetamine hi an man.

Methamphetamine an man hi Kg 17.946 a rit niin   Tualchhunga hralhna anga chhutin   Rs. 23,329,800 man niin,  International Rate anga chhutin Rs.54,000,000/-,  an man a ni a, Methamphetamine neitu a puh hi Bualpui NG Police Out Post ah tihtur tulte buaipui a nih hnu ah   Lawngtlai panpui a ni a, ruihhlo phurhna atana hman Motor Cycle pawh Police ten an hreng nghal.