Dr.Lorrain Lalpekliana Chinzah, Adviser to CM in Phawngpui PACS hotute Meeting a neihpui.

Adviser to Chief Minister (Agriculture & Farmers Walfare etc.), Dr. Lorrain Lalpekliana Chinzah chuan nimin khan South Lungpher ah  Phawngpui Primary Agriculture Credit Co Operative Society (Phawngpui PACS) te meeting neih puiin, kuthnathawktu te tana hamthatna tur leh hmalakna tur chi hrang hrangte an sawiho.

He meeting-ah hian Adviser to Chief Minister chuan Phawngpui PACS te hnathawh tawh leh hmalakna hrang hrangte chu a hriatpui thu leh, kuthnathawktu te hmasawn nana an inpekna te chu fakawm a tih thu a sawi a. PACS in hma a sawn zel theihnan leh, a hnena an harsatna leh an mamawh an thlente chu a theih ang anga bawhzui a, hmalak a tum thu a sawi a, Phawngpui PACS chu ZPM sawrkar nena inhne rem tak, kuthnathawktu te hamṭhatna tura hmalatu te an ni a, sawrkar policy tih hlawhtlinna tura pêng pawimawh tak an nih thu a sawi.

Phawngpui PACS hi kum 2018 a din niin, Lawngtlai District-a Primary Agriculture Credit Co Operative  Society awmchhun a ni mek a. Member 280 bawr vel awm mekin, kuthnathawktute hmasawnna tur leh hamṭhatna turin kawng hrang hrang in hma an la thin a ni.

Lawngtlai East MLA ni bawk Dr. Lorrain Lalpekliana Chinzah chuan Phawngpui PACS te hnathawh dan leh an office hmalak dan tlangpuite a en chiang bawk a. He hunah hian Pu LR. Dingliana, Executive Member LADC leh, Pu V. Zathanga Executive Member LADC te bakah, ZPM Lai District Headquarters Lawngtlai hruaitute pawh an tel a ni.