Rs. 2,21,61,800/- seng a siam Lawngtlai atanga Kilometre 15 a hla, Multi Modal Kawngpui thlanglam, Phaikhang Mual a Faecal Sludge Treatment Plant chu nimin chawhnu khan Lai Autonomous District Council a Executive Member, LAD changtu Pu T.Lalengmuana;n a hawng.
Pu T.Lalengmuana chuan Lawngtlai khawpui chu a thang chak hle tih sawiin, sumdawnna hmunpui leh mipuiin an bawh nasat tur khawpui a nih vangin mumal taka Ek sawngbawlna an neithei ta chu lawmawm a tih thu a sawi.
Report a tarlan a nihdan in he Faecal Sludge Treatment Plant hi Fifteenth Fifance Commission sum, kum 2020-2021 leh 2021-2022 atangin Lawngtlai khawpui chhunga Village Council hrang hrang ten an vawmkhawm atanga thawh niin, Village Council Association lam chuan Lai Autonomous District kut ah enkawlzuiturin an hlan.
Fifteenth Fifance Commission 2020-2021 ah pawisa Rs. 100,04,000 (Nuai 100 leh sing 4) hmuh niin, kum 2021-2022 ah Rs. 121,57,800/- (Nuai 121, sing 5, sang 7 za riat) hmuh a ni leh a, he FSTP siam nan hian a vaiin Rs. 2,21,61,800/- (Nuai 221, sing 6 sangkhat za riat) senral a ni.
LADC a Executive Member in Faecal Sludge Treatment Palnt a hawnna ah hian LADC a Executive Member pali, Pu K.Hre Kung, Pu CL Lianzuala, Pu BN Thangpuia leh Pu Lallawmsanga Apetow ten Pu T.Lalengmuana hi an tawiawm bakah, LADC a Local Administrative Department leh Sanitation Department a hotute leh thawktu dangte pawh an tel
Tags
News