Nula C.Biakthansangi chu Deputy Chairman, LADC atan chuhtu awmlovin thlantlin ani.

      Kumin March 18 a khan LADC a Deputy Chairman Pu H.Lalmuansanga chu a banga, a hmunawl hnawhkhat turin vawiin Session chawhma lam ah Deputy Chairman thlan niin, LADC Chairman Pu T.Zakunga chuan chuhtu awmlovin Nula C.Biakthansangi chu Deputy Chairman atan thlantlin a nih thu a puang

        Deputy Chairman thar chuan a ngaihtuahna leh hmathlirah pawh awm ngailo, LADC Sorkar ah dinhmun pawimawhtak mai a luah thei chu Pathian awmpuina vang a nih thu a sawi a, a mah duhsaktu CEM leh ZPM Legislature Party te chungah lawmthu a sawi a, Eptu lam ten a dinhmun luahtur chuhtu awmlova an kalpui chu lawmawm a tihthu a sawi bawk.

House Leader Pu V.Zirsanga leh Eptu lam hruaitu Pu C.Lalsawmzuala ten Deputy Chairman thar lawmpuina an sawi.

Nula C.Biakthansangi hi Nominated MDC niin, LADC ah Hmeichhia, Deputy Chairman ni hmasa ber a ni a, vawiin khan a Office a luah nghal.