.jpg)
Raltlante mumal zawka enkawl an ngaihthute, a rammite tan phurrit an nih tawh thute, thenkhat hi chuan eizawnnan Mizoram hi an hmang ni a alan thu leh thildang engemawzat he Column ah hian tarlan a ni thin a, bawhzuina lam erawh beisei ang diak diak nilo mahse, hmuhtur a awm chho ve zel e.
Myanmar ram buaihnu, hetia an sahimna zawnga mithahnemtak Mizoram a an rawnluh hnu hian, ramdang siam lirthei engemawzat an luhpuia, an rawnluhpui piahlamah mamawhna vanga lakluhbelhte pawh a awm ngei niin a hriat.
India ramah lirthei khuahkhirhna mumaltak a awma, heihi ram leilungfate chungah chuan khauhtakin lek a ni a, chu chu ram mipui tan a ni.
Ramdang lirthei a bikin Kehnih neite chu Mizoram hmun hrang hrangah hmuhtur a awm thliah thluah a, tunlai hian thuneitu lamten khauh zawkin an enzuimek ni a lang hi a lawmawm khawp mai.
Lawngtlai District bik hi thlir ila, Khawpui chhungah khalhluh ngam a nilova, man hlauh vang ani. A mantheitute awmlohna lamah chuan hmuhtur a tam khawp mai, khawpui pawnah hian dan hi lekkawh a nivelo nge ni a, hetiang khawpa a zalen hi mak ti duh tan chuan maktak a ni ang.
A ram leilungfa ten Document felfai neihtumin, Pollution Test ringawt pawh rei tak an intlar chang a awm, sum sengin Insuarance leh tuldangte an buaipui thin, dankalh zawkte an zalen tlatna District ah hian tunge hmala dawn le ??