Lai Autonomous District Council Emergency Session, April 17 atanga neih chu vawiin khan zawhfel niin, vawiin khan LADC kum 2025-2026 Budget pawm a nih bakah Deputy Chairman thar thlan a ni.
Session tanni kar hmasa Ningani khan LADC a Chief Executive Member, Pu V.Zirsanga chuan LADC Budget 2025-2026 House ah a pharh a, Budget hi House vawiin chawhnu lam khan Eptu lam tellovin pawm a ni.
LADC Budget hi
Grant-In-Aid ah Cheng Nuai 25,751.57
Village Council Remuneration Cheng Nuai 182.50
Chhiah tlingkhawm atanga hmuhtur cheng Nuai 400
a vaiin cheng Nuai 26,334.07 a ni.
CEM Pu V.Zirsanga chuan LADC Budget pawm a ni ta chu lawmawm a tih thu a sawi.
Budget hi Eptu lam MNF Legislature Party te chuan an pass pui thei lova, an pass pui theihloh chhan an sawi zingah Zirlai / thalai hna zawngten diktaka hna an in chuh theih zirtirtu post 7 nuaibo an duhloh vangte, VC member 128-te hlawh awm lova budget pharh an duhloh vangte, Governor thu anga ni 30 chhunga CEM fiahna Floor test nei lova, budget pass chu dankalh ni a an hriat vangte chu a langsar zual a ni.
Tags
News