Pu T.Lalengmuana E.M hovin, kawngpui kama bawlhhlawh paih a hmunah enfiah a ni.

Lai Autonomous District Council a Executive Member,Local Administration Department leh Sanitation Department enkawltu Pu T.Lalengmuana chuan nimin khan National Highway 502 'A' Multi Modal kawngpui kama bawhhlawh paih a hmunah a enfiah.

LADC a Executive Member hian helai kawngpui, Electric Veng Lawngtlai huamchhunga a paihnatur hmun nilova bawlhhlawh paih te khawtlang hruaitute nen a hmun ah an enfiah a, bawlhhlawh paih thinna lai chu a hungna thataka siam nise tiin a hmunah thutlukna an siam.

Pu T.Lalengmuana chuan Lawngtlai khawpuiin Faina leh thianghlimna kawnga hma a sawnzel theih nan LADC in Bawlhhlawh a paih thin chu chhawr tangkai turin mipui a ngen a, tute emaw inthlahdah zualin an duhthua kawngkam remchanga bawlhhlawh an paih thin chu ngaihmawhawm a tih thu sawiin, midang tana hnawksak leh hnawmhnawk siam zawnga bawlhhlawh paih tawhlo turin hetiang tih chingte a ngen.

Pu T.Lalengmuana hi Senior Sanitation Officer Pu C Lalhmunsiama'n a tawiawm a, Electric Veng Village Council ten an huamchhunga a paihnatur hmun nilova bawlhhlawh paihna hi an lo enpui.