.jpg)
Tunhnai mai khan Bualpui Ng lamah ruihhlo, Meth tamthamtak man a ni a, Heroin Hawng 440 man thawmin rampum a tuamlai a la ni a, Lawngtlai District ah ruihhlo manzat hi tam lutuk angin langlo mahse, Lawngtlai District tan chuan a tam tham khawp mai.
A tam leh tamloh lam aiin, Ruihhlo kalkawng ah Lawngtlai District hi hman a ni tih a chiang ta viaua, heihi a ni, kan sawifo thin kha, Luitui tlemna leh khan remchang apiangah an duhna lai lai ah an rawn kai thei a, ramri hung a ngun taka vil nisela chuan a ziaawm hret ang.
Bualpui Ng lama Meth manchhuah a ni hi a lawmawma, ngaihtuahna tibuai map theitu zawk chu, manloh engzattak awm ang maw, tih hi a ni.
Lawngtlai District hian Bangladesh nen KM 148,Myanmar nen Km 57 ramri intawm kan nei a, Bangladesh atang chuan ruihhlo rawnlut sawitur a awm lo niin a hriat a, Myanmar lam atang hian ruihhlo a rawnlut thin tih erawh a chiang a, heipawh hi sawrzim deuh dawn chuan Rakhine State lam atanga a rawnluh hriat a la ni hran lova, kan unaute Chin State lam atanga rawnlut hi a nih mai hmel rih.
Kan unaute hian an rambuai hi remchangah lain, ruihhlova sumdawnna kalkawng atan Lawngtlai District hi an hmang ta mai niin a ngaihruat theih a, a pawi takzet.
Raltlan hrim, hrim an suallo, sawitam ngai a nilova thil chiangsa a ni, keinin kan unaute kan tih zingah, unau anga min ngai ve miahlo an pungchho tual tual hi ngaimawh tham a tling.
Lawngtlai District hi ruihhlo hlauhawm kalkawng a ni mek tih pawm ila, engtinnge nizel dawn le ?