.jpg)
Myanmar ram tualchhung buaina vangte, Manipur leh Bangladesh buai vangtein Mizoram ah an sahimna zawnga rawnlut an thahnem viau a, Mizoram a chengten kan unaute tiin theihtawpin an lo tuamhlawma, heihi rilru putdantur diktak a nih laiin, kan unaute zingah Unauah min ngai velotu an thahnemta deuh em aw a tih theih.
Khawlai titi ah chuan Myanmar bik hi Mipui Sipaiten an mipuite chenna lai huamchhung chu an thunun vek tawh a, report thenkhat ah chuan Myanmar ram zauzawk hi Mipui Sipai kutah a awm niawma sawite pawh a awm a, Indo reng an nih lai hian, Mizoram dep lam hi chu a ralmuang viau tawh ni a sawi a awm bawk. Buai vanglai deuh pawh khan ramri kana veivak pawh an awmreng thu hriattur a awm a nih kha.
Tuna Mizoram chhunga Raltlan tia mipuiin an phek en zingah hian Raltlan ni lemlo inzepru hi an awm nual mai awm mange tih chu mitamtak ngaihdan a ni mek a, Raltlan diktakte zawnchhuah a, uluk taka enkawl a hun tawh a, veng thenkhatten Raltlante enkawldan tur an duan ngai khawpa Sorkar a inthlahdah erawh amak tiduh tan chuan mak tihtham a tling awm e. MJA Lawngtlai District Annual Conference ah pawh Resolution hial siamin Raltlante awmzenei zawka enkawl an duh thu an lo sawitawh a nih kha.
Thil langchiang tak chu, tun ang renga a ramleilungfate leh ramdangmite an inchiahpiah reng a nih chuan thil duhawmlo lianzawk leh tamzawk hi a thleng ngei ang, chung hunah chuan Unau inkarah hriam lek a ngai hial thei a nia.