Karleh Thawhlehni April 22 thleng awhtur, Lai Autonomous District Council thutkhawm chu vawiin khan Chairman Pu T.Zakunga kaihhruaina hnuai ah LADC Session Hall, Lawngtlai ah neih tan a ni.
LADC a ZPM Sorkar in Session a hmachhawn hmasakber ah hian Chairman chuan Pannel of Chairman atan Pu JB. Vanhoy, MDC leh Pi Z. Ngunchhini te a ruat a, hemi hnu hian Chief Executive Member, Pu V.Zirsanga'n kum 2025-2026 LADC Budget House ah a pharh.
CEM chuan kum kalta 2025-2025 a LADC Budget tlangpui a sawi hmasa a, hemi hnu hian kum 2025-2026 Budget a pharh a, CEM chuan kum kalta khan BUdget pangngai piahlam ah LADC in pawisa a hmuhbelhloh thu a sawi a, Budget thar chu Budget hmasa aiin cheng Nuai 1392.36 a a tam thu sawiin, State Sorkar leh Mizoram Finance Commission chungah lawmthu a sawi.
CEM, Pu V.Zirsanga'n LADC Budget Kum 2025-2026 vawiin a House a a pharh tak chu
Grant-In-Aid ah Cheng Nuai 25,751.57
Village Council Remuneration Cheng Nuai 182.50
Chhiah tlingkhawm atanga hmuhtur cheng Nuai 400
a vaiin cheng Nuai 26,334.07 a ni.
CEM in Budget a pharh tak hi April 21 leh 22 khian Hosue ah sawi ho a ni dawn a, Session tawpni tur a ruahman April 22, karleh Thawhlehni khian Deputy Chairman thlanna neih tum a ni a, hemi Ni vek hian LADC Budget 2025-2026 chu House ah pass tum a ni ang.
Tags
News