Nimin April8, 2025 khan Lawngtlai District chhung Chakma Autonomous District Council huamchhunga, State Sorkar hnuaia PHE Department ten tuilakna an siam hmunhnihah hawn a ni.
PHE Department a Engineer-in-Chief, Er. H.Duhkima chuan Jal Jeevan Mission Scheme atanga Cheng Vaibelchhia 12.37 senga Longpuighat leh a chhehvel a mipui, Tui thianghlim pekna tur a hawng a, he tuilakna hi, Luite khuapin, Luiin tuihna a neih bakah fur ruahtui khawl nan hmannghal theih tur a duan niin, hetiang ang chi a mipui chawmna tur JJM hnuaiah tuilakna siam hi Mizoram ah a awmchhun ni. Tui khawlsa chu Nizung chakna hmangin mipui a semturin pump a ni a, nikhat ah Tui Litres NUai 1 sing 5 pump thei tura ngaih niin mipui 1500 chawm thei tura ngaih a ni.
Nimin zinglam khan NABARD-RIDF XXVI sum cheng Vaibelchhe kua senga siam Chawngte Rural Drinking Water Supply Scheme chu PHE Department a Chief Engineer, Er.Ngentluanga'n a hawng a, he tuilak hi Tuichhawnglui chhuat hnuai ah tunlai thiamna hmangin Tui thlitfimsa siakchhuah niin, hetiang hi Mizoramah a awmchhun niin, nikhat ah tui litre Nuai 11 pump chhuahtheih tura duan niin, mihring 25000 chuang chawmthei tura ruahman a ni.
Engineer-in-Chief Er H.Duhkima chuan Mizoram khawihmunah pawh tuihna a tlem chhoin, tuilakna hnarte a kang chho mek a, tuihna tipungthei tur zawnga tanlak a ngaihthu sawiin, luikam leh lui hnar ah te Thingphun a ramngaw siam ngaihpaiwmawh tha tih thu a sawi a, mipuiin tui an tlanmek te pawh a thianghlim zawk nan a tibawlhhlawh thei te thianfai a, ngun zawka vawnfai tul a tih thu a sawi.
Tags
News